Мөслимәләр матур итеп яулык бәйләүдә ярышачак

(Казан, 13 декабрь, «Татар-информ», Ландыш Харрасова). 17 декабрь көнне «Татарстан мөслимәләре Берлеге» иҗтимагый оешмасы һәм мөселман киеме кибете матур итеп яулак бәйләү, бала йоклату һәм интеллектуаль белем буенча бәйге уздыра. Мөслимәләр Берлеге рәисе Наилә Җиһаншина «Татар-информ» хәбәрчесенә белдерүенчә, әлеге чара якынлашып килүче Корбан бәйрәме уңаеннан оештырыла. «Без моны татар мәдәни традицияләрен торгызу, Ислам диненең рухи кыйммәтләрен халыкка җиткерү, яшьләрне тәрбияләү өчен оештырабыз», - диде Н. Җиһаншина. Җиңүчеләргә бүләкләр каралган.

Әлеге бәйге исә 9.30да Татарстан мөселманнары Диния Нәзарәтендә узачак.