Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Әлки районы җитәкчеләре мәчетләрдә мөселманнарны Ураза бәйрәме белән котлады
Мөселманнар 11 майда Казанның 175нче гимназиясендә фаҗигале һәлак булган балалар һәм укытучылар рухына дога кылды.
(Әлки, 13 май, «Татар-информ», «Әлки хәбәрләре», Азат Низамиев). Әлки районындагы 30 мәчеттә дә гает намазлары укылды. Иртә таңнан мәчеткә җыелган халык алдында имамнар вәгазьләре сөйләде, Корьән аятләре укылды.
Мөселманнар 11 майда Казанның 175нче гимназиясендә фаҗигале һәлак булган балалар һәм укытучылар рухына дога кылды.
Бәйрәм иртәсендә район җитәкчеләре мәчетләрдә булып мөселманнарны Ураза гаете белән котладылар.
Район башлыгы Александр Никошин Татар Төгелбәе мәчетенә килде.Ул гает намазына җыелучыларны, шул исәптән барлык мөселманнарны олы бәйрәм белән котлады. Һәркемгә сәламәтлек, һәр йортка муллык, тоткан уразаларның кабул булуын теләде.
«Бүген Татарстанда, районыбызда төрле милләт вәкилләренең үзара аңлашып татулыкта яшәве зур байлыгыбыз», — диде район башлыгы.
Район башлыгы урынбасары Рәшит Билалов гает иртәсендә Базарлы Матакның Шәүкәт мәчетендә, ә район башкарма комитеты җитәкчесе Илнур Юсупов Салман авылы мәчетендә булып халыкны бәйрәм белән котладылар, изге теләкләр теләделәр.
Кызыклы яңалыкларны күзәтеп бару өчен Телеграм-каналга язылыгыз