Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Ингушетиядә Рамазан аенда эш көнен бер сәгатькә кыскартачаклар
Мөселманнар өчен изге Рамазан ае быел 13 апрельдә башлана һәм ул Ураза бәйрәме белән 12 майда тәмамланачак.
(Казан, 12 апрель, «Татар-информ»). Ингушетия башлыгы Мәхмүд-Али Калиматов Рамазан аенда республикада эш көнен бер сәгатькә кыскарткан. Бу хакта Интерфакска төбәк җитәкчесенең матбугат хезмәте хәбәр итә.
Предприятие, оешма һәм башка хезмәт урыннары җитәкчеләренә изге ай чорында электр энергиясе, газ, су һәм элемтә чараларының өзлексез эшләвен тәэмин итү, ә азык - төлек кибетләренә - 23:00 сәгатьтән иртәрәк ябылмаска һәм бәяләрне арттырмаска күрсәтмә бирелгән, диелә хәбәрдә.
Моннан тыш, Ингушетия башлыгы төбәк авыл хуҗалыгы министрлыгына «Кавказ» федераль автомагистрале буенда урнашкан мәчетләрдә көн дәвамында транзит транспорты йөртүчеләре һәм пассажирлары өчен барлык шартларны да тудырырга кушкан.
Мөселманнар өчен изге Рамазан ае быел 13 апрельдә башлана һәм ул Ураза бәйрәме белән 12 майда тәмамланачак. Рамазан ае дәвамында ислам динендәге кешеләр ураза тота.
Кызыклы яңалыкларны күзәтеп бару өчен Телеграм-каналга язылыгыз