Алдагы дүрт елда Татарстан Баш Казые Җәлил хәзрәт Фазлыев булачак

Бүген «Казан-Экспо» үзәгендә ТР мөселманнары Диния нәзарәтенң 8 нче корылтаенда 1500 делегат бертавыштан шул карарга килде.

(Казан, 12 апрель, «Татар-информ», Гөлнар Гарифуллина). Алдагы дүрт елда Татарстан Республикасы Баш Казые Җәлил хәзрәт Фазлыев булачак. 

Бүген «Казан-Экспо» үзәгендә ТР мөселманнары Диния нәзарәтенң 8 нче корылтаенда 1500 делегат бертавыштан шул карарга килде. 

2021 елның 27 гыйнварында узган Диния нәзарәте Пленумы карары белән кандидат булып Җәлил хәзрәт Фазлыев күрсәтелгән. Аның кандидаты 30 мөхтәсибәт җыелышында тәкъдим ителгән.

«Ышанычыгыз өчен бик зур рәхмәт. Инде яшь тә бара. Аллаһ риза булсын. Берәү „казый итеп сайланды исә, пычаксыз суелды“ дигән иде. Аллаһка ташырдык», — диде Җәлил хәзрәт.