Бүген “Алтын урта” клубы “Әбү Хәнифә: нигә ул?” дип аталган очрашу үткәрә

Татар халкы, Ислам кабул иткәннән бирле, Әбү Хәнифә мәктәбенә караган

(Казан, 11 май, «Татар-информ»). Бүген ТР мөселманнары Диния нәзарәтенең яшьләр белән эшләүче “Алтын урта” клубы “Әбү Хәнифә: нигә ул?” дип аталган очрашу үткәрә.
Әлеге очрашуда яшьләр безнең ата-бабаларыбызның Әбү Хәнифә мәзһәбен сайлап алу сәбәпләре, әлеге мәзһәбнең үзенчәлекләре турында беләчәк. Бу турыда очрашуда мөфтиятнең Голәмәләр советы рәисе, РИУ проректоры, “Актуаль ислам” программасын алып баручы, “Әбү Хәнифә – тормыш һәм мирас” китабы авторы Рөстәм Батров сөйләячәк, дип хәбәр итә ТР мөселманнары Диния нәзарәте матбугат хезмәте.
Әбү Хәнифә Ногман Сабит ибн Зута әл-Фәриси – бөек дин әһеле, ислам законнары белгече, дүрт мәзһзбнең берсенә нигез салучы. Татар халкы, Ислам кабул иткәннән бирле (922 ел), Әбү Хәнифә мәктәбенә караган.