Омск өлкәсенең Борынгы Әшевән авылында мәчет ачылды

Борынгы Әшевән авылы 1226 елда барлыкка килгән.

(Казан, 6 сентябрь, «Татар-информ»). Омск өлкәсенең Борынгы Әшевән авылында мәчет ачылды. Бу хакта Бөтендөнья татар конгрессы матбугат хезмәте хәбәр итә.

Мәчетнең барлыкка килүе, төзелеше авыл халкының, эшкуарларның ярдәме белән булды.

Борынгы Әшевән авылы 1226 елда барлыкка килгән. Башка татар авылларындагы кебек, бу авылда да мәчет булган, атеизм чорында ул юк ителә. Хәзер, озак тукталыштан соң, авылда яңадан азан тавышлары яңгырады, диелә хәбәрдә.