Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Татарстанда намаз вакытлары үзгәрә
Үзгәреш безнең төбәкнең географик үзенчәлекләренә бәйле.
(Казан, 5 май, "Татар-информ"). Май аеннан башлап (Казан өчен - 5 майдан) һәм август башына кадәр, кояш баткандагы шәфәкъ яктылыгы иртәнге шәфәкъ аклыгы белән кушыла, ягъни төн дәвамында офыкта яктылык югалмый, дип хәбәр итә татарстан Диния нәзарәте матбугат үзәге.
Моңа бәйле рәвештә, астрономик исәпләүләр ярдәмендә, төнге ястү намазы башлануның төгәл вакытын, шулай ук сәхәр тәмамлануны һәм иртәнге намаз вакыты керүне билгеләп булмый. Бу безнең төбәкнең географик үзенчәлекләренә бәйле.
Шул сәбәпле, ислам галимнәре фикеренә нигезләнеп, әлеге вакытны сәгатьләр буенча исәпләргә карар кылынды. Ястү намазын - кояш баеп, 1,5 сәгать вакыт узгач, ә сәхәр тәмамлану һәм иртәнге намаз вакыты керү - кояш чыгарга ике сәгать алдан була, дип кабул ителә.
Кызыклы яңалыкларны күзәтеп бару өчен Телеграм-каналга язылыгыз