Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Арчада район башлыгы Илшат Нуриев исеменнән ифтар мәҗлесләре үтте
Ифтар мәҗлесендә Татарстан Республикасы мөфтие Камил хәзрәт Сәмигуллин катнашты.
(Арча, 5 май, «Татар-информ», «Арча хәбәрләре», Гөлсинә Зәкиева). 3 һәм 4 май көннәрендә Арчада район башлыгы Илшат Нуриев исеменнән ифтар мәҗлесләре үтте.
3 май көнне ифтар мәҗлесенә ир-атлар чакырылган иде. Анда район башлыгы Илшат Нуриев, Татарстан Республикасы мөфтие Камил хәзрәт Сәмигуллин, күрше районнар җитәкчеләре һәм хәзрәтләре, шәһәр һәм авыл имамнары, таравих намазларын хәтем белән кылдырган хафизлар катнашты, иделә хәбәрдә.
«Шушы көннәрдә генә районда 93нче мәчет төзелә башлады. 150 мөгаллимәбез бар. Мәдрәсәләрдә 1500 кеше дини белем ала. Шуларның 400е — балалар. Укыту бүлеге җитәкчесе Рая апа Фәтхуллина тырышлыгы белән төрле бәйгеләр, дини кичәләр үткәрелә. Аларда балалар бик актив катнаша», — диде Арча мөхтәсибе Әмир хәзрәт Миннемуллин.
Ранис хәзрәт вәгазь-насыйхәт белән чыкты, Фәния ханым башкарган эшләре белән якыннанрак таныштырды. Авыз ачканнан соң азан әйтелде, ахшам намазы укылды.
— Безне очраштырган, күрештергән, аралаштырган шундый мәҗлесебезне Аллаһы Тәгалә кабуллардан кылсын. Аны оештырган өчен район башлыгы Илшат Нуриевка чиксез зур рәхмәтебезне белдерәбез, — диде Әмир хәзрәт Миннемуллин.
Кызыклы яңалыкларны күзәтеп бару өчен Телеграм-каналга язылыгыз