Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Самара өлкәсенең Шигон авылында мәчет төзеләчәк
Бу авылда 540 ел мәчет булмаган.
(Казан, 2 декабрь, «Татар-информ»). Самара өлкәсенең Шигон авылында өч ел эчендә мәчет төзергә ниятлиләр. Район хакимияте мөселманнарның үтенечен хуплап, Кооператив урамында 18,8 сутый җир бүлеп биргән. Килешү 2019 елның 10 октябрендә имзаланган. Бу хакта Бөтендөнья татар конгрессы матбугат хезмәте хәбәр итә.
«Безнең авылда 540 ел мәчет булмаган, - диде Зәкәрия мулла. — Бу могҗиза, хисләрне әйтеп бетергесез. Бу вакыйга район тарихына кереп калачак. Якын арада Шигон мөселманнары Сызраньда проект-смета документларына заказ бирергә ниятли, бу хакта килешү бар. Җәен фундамент салачаклар, кышын төзелеш материаллары кайтарылачак».
Булачак мәчетнең гыйбадәт залы ир-атлар өчен 200 кешегә исәпләнгән, шулай ук 30 хатын-кыз сыйдырышлы балкон булачак.
Мәчет төзелешенә акча җыюга әзерлек бара. Мулла сөйләвенчә, булышырга теләгән кешеләр бар инде, алар үзләре җәмгыять җитәкчеләренә килеп, ярдәм күрсәтергә тәкъдим итәләр.
Кызыклы яңалыкларны күзәтеп бару өчен Телеграм-каналга язылыгыз