Дин 2 июль 2020 02:43

Әгерҗенең «Нур» мәдрәсәсен тәмамлаучылар тиздән шәһадәтнамә алачак

Быел мәдрәсәне җиде шәкерт тәмамлаган.

Скопировать ссылку

(Әгерҗе, 2 июль, «Татар-информ», «Әгерҗе хәбәрләре»). Узган елның октябрь аенда Әгерҗенең «Нур» мәдрәсәсендә дини укулар башланган иде. Башка еллардагы кебек үк шәкертләр көндезге һәм кичке вакытларда белем алганнар. Балалар якшәмбе мәктәбенә дә йөргән. Бу турыда район басмасы хәбәр итә.

«Коронавирус пандемиясе белән бәйле рәвештә соңгы дәрес 17 мартта уздырылды. Аннан соң мәдрәсәгә йөреп уку туктатылды. Шәкертләр әле дә мөстәкыйль рәвештә шөгыльләнүләрен дәвам итә. Сораулар туса, безгә шалтыраталар», — ди мөгаллимә Люция ханым Акбашева.

«Алга таба вазгыять яхшырып, мәчет-мәдрәсәләргә йөрүдә чикләүләр тулысынча бетерелсә, шәкертләребезгә мәдрәсә тәмамлау турындагы шәһадәтнамәләрне тантаналы рәвештә тапшырырбыз дип планлаштырабыз», — ди район имам-мөхтәсибе Габделкәрим хәзрәт Гыйззәтуллин.

Сәхифәләр

Әгерҗенең «Нур» мәдрәсәсен тәмамлаучылар тиздән шәһадәтнамә алачак