Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Татарстан мәчетләре каршында узган татар теле курсларын 1500 кеше тәмамлады
Дәресләрне югары белемле филологлар, тәҗрибәле татар теле укытучылары алып барды.
(Казан, 1 июль, «Татар-информ»). 2020-2021 нче уку елында Татарстан мәчетләре каршында узган татар теле курсларын 1500 тыңлаучы тәмамлады һәм телне башлангыч дәрәҗәдә үзләштерү хакында сертификатларга лаек булды.
ТР Диния нәзарәте матбугат хезмәте хәбәр итүенчә, татар теле курслары 100 мәйданчыкта оештырылды.
Нәзарәт тарафыннан әлеге курс дүртенче тапкыр оештырылды. Курслар ТАССР оешуның 100 еллыгы һәм Туган телләр һәм халыклар бердәмлеге елы кысаларында уздырылды.
Тел өйрәнү дәресләре Диния Нәзарәтенең үз методикасы һәм дәреслекләре буенча үткәрелде. Алар Россия ислам институтында эшләнде, «Хозур» нәшриятында бастырылды.
48 академик сәгатькә исәпләнгән укыту курсы 6 ай дәвам итте (2020 елның 1 октябреннән 2021 елның 30 апреленә кадәр). Интенсив курс программасы татар теленең сөйләм дәрәҗәсен өйрәнүгә, ситуатив лексик җыелмаларны үзләштерүгә һәм аралашу күнекмәләрен үстерүгә юнәлдерелгән иде. Моннан тыш, теләк буенча ислам дине мәдәнияте белән танышу, шулай ук тәҗвид кагыйдәләрен өйрәнү өчен өстәмә мөмкинлек каралды.
Дәресләрне югары белемле филологлар, тәҗрибәле татар теле укытучылары алып барды.
Кызыклы яңалыкларны күзәтеп бару өчен Телеграм-каналга язылыгыз