Минзәлә районында Идел буе Болгар дәүләте чорына караган көмеш бөтиләр табылган
Татарстанның Минзәлә районында археологлар Идел буе Болгар дәүләте чоры зәркән сәнгатенең сирәк үрнәкләрен – IX гасыр ахыры – X гасыр башына караган көмеш бөтиләр тапкан. Бу хакта ТР Мәдәни мирас объектларын саклау комитетының Телеграм-каналында хәбәр иттеләр.
Табылдыклар югары пробалы көмештән ясалган ике сантиметр зурлыгындагы кечкенә тартмалардан гыйбарәт.
Бөтиләр кечкенә шарчыклар һәм филигрань - урта гасыр осталарына хас нечкә техника белән бизәлгән. Мондый эшләнмәләр бик тә сирәк очрый: элегрәк аларның берничә тиңдәше генә табылган: икесе - Биләр шәһәрлеге территориясендә һәм тагын берсе Пенза өлкәсенең Золотарево шәһәрлеге янында.
Фото: © https://t.me/OKN_Tatar