Равил Зөфәров: Сыер чалырга кушылганда бер кешенең нияте ит алу булса, корбан бозыла
- ВКонтакте
- Telegram
- РћРТвЂВВВВВВВВнокласснРСвЂВВВВВВВВРєРСвЂВВВВВВВВ
- РњРѕР№ Р В Р’В Р РЋРЎв„ўР В Р’В Р РЋРІР‚ВВВВВВВВРЎР‚
Скопировать ссылку
Татарстан мөфтие урынбасары Равил хәзрәт Зөфәров корбанга сыер чалган мөселманнарның барысының да нияте бер булырга тиешлеген әйтте. Бу хакта ул «Татар-информ» агентлыгында узган матбугат очрашуында сөйләде.
«7 кеше исеменнән сыер чалырга мөмкин. Бу шәригать тарафыннан рөхсәт ителгән. 7гә кадәр мөселман кушылып, сыерны сатып ала һәм чала. Бу инде, мәсәлән, 4,5,6 кеше дә булырга мөмкин. Бу корбан кушылган кешеләр исеменнән була. Корбан чалганда 7 кешенең берсе ит алу максатыннан керешсә, ул башкаларның да корбанын боза. Һәр кеше корбан чалу нияте белән кушылырга тиеш», – дип аңлатты ул.
Аның сүзләренчә, соңыннан корбан ите үзара төгәл бүленергә тиешле, арада низаг булырга тиеш түгел.