Равил Кузюров Әлки урман хуҗалыгының үсентеләр питомнигына югары бәя бирде
Әлки районында Татарстанның урман хуҗалыгы министры булды.
(Әлки, 7 июнь, «Татар-информ», «Әлки хәбәрләре»). Әлки районына эшче визит белән Татарстан урман хуҗалыгы министры Равил Кузюров килеп китте. Ул район башлыгы Александр Никошин Әлки урман хуҗалыгының үсентеләр җитештерелә торган питомникны карады һәм аңа югары бәя бирде. Бу турыда район басмасы хәбәр итә.
Равил Кузюров урманнарны янгыннан саклау чаралары үтәлеше белән кызыксынды. Ул урманнарны чистарту, урманда юллар булдыру хакында белеште, Татарстан һәм Ульяновск өлкәсе чиген карады.
Урманда эшләүчеләрнең хезмәт хакларын арттыру мәсьәләсенең федераль дәрәҗәдә каралуын әйтеп хезмәткәрләрне шатландырырга да онытмады министр.