Равил Гайнетдин кабат Россия Мөфтиләр шурасы рәисе итеп сайланды
Россия Мөфтиләр шурасы съездында аны бертавыштан сайладылар.
Скопировать ссылку
(Казан, 19 декабрь, «Татар-информ»). Мөфти шәйх Равил Гайнетдин бертавыштан дини үзәкнең V съездында кабат Россия Мөфтиләр шурасы рәисе итеп сайланды, диелә Россия Мөфтиләр шурасы сайтында. Бу хакта РИА Новости хәбәр итә.
«19 декабрьдә Мәскәү Җәмигъ мәчете конференцияләр залында узган Россия Мөфтиләр шурасы съездында биш елга әлеге шураның рәисен сайладылар. Тавыш бирү нәтиҗәләре буенча мөфти шәйх Равил Гайнетдин бертавыштан Россия Мөфтиләр шурасы рәисе итеп сайланды», - диелә хәбәрдә.
Делегатлар Россия мөселманнары башлыгын югары вазифага билгеләнүе белән котлап, аңа уңышлар һәм алга таба да нәтиҗәле эшләвен теләде.