Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Равил Гайнетдин: "Дини оешмалар мөселман халыкларының милли-мәдәни үсеш үзәге булып тора"
Әлеге күренеш православиелеләрдә дә күзәтелә, ди Равил Гайнетдин.
(Казан, 28 сентябрь, “Татар-информ”, Мәрьям Насыйрова). Дини берләшмәләр мөселман халыкларының милли һәм мәдәни үсеш үзәге булып тора, дип белдерде Россия Мөфтиләр шурасы рәисе, РФ мөселманнары Диния нәзарәте рәисе Равил Гайнетдин Россия мөфтиләр Шурасы утырышында.
“Мөселман халыкларының милли хәрәкәтләре сүрелгән шартларда, мөһим булган бөтен эшчәнлек төрләре дә я турыдан туры дини оешмалар тарафыннан, я аларның яклавы астында башкарыла. Бу бөтен өлкәләргә дә карый: финанс, бизнестан алып, хәйрия һәм китап бастыруга кадәр, - дип белдерде Равил Гайнетдин. - Кешеләр дини кыйммәтләрдә үз ниятләрен тормышка ашыру мөмкинлеген күрә, шуңа тартыла. Дин кардәшләребез теге яки бу эшне башлар алдыннан ярдәм, фатиха сорап мөфтиятләргә мөрәҗәгать итә".
"Шулай итеп, дини берләшмәләр, үзләре дә моны сизмәстән, мөселман халыкларының милли һәм мәдәни үсеш үзәге булып торалар. Әлеге күренеш мөселман өммәте өчен генә хас түгел. Бөтендөнья рус халык соборын Рус православие чиркәве башлыгы җитәкли. Бу абруйлы иҗтимагый орган рус халкының тормышын һәм кизыксынуларын билгели, куелган бурычларны тормышка ашыру буенча актив эш алып бара. Владимир Путин да юкка гына мөселман руханилары алдында исламны социальләштерү вазыйфасын куймады", - дигән фикер әйтте Россия Мөфтиләр шурасы рәисе.
Кызыклы яңалыкларны күзәтеп бару өчен Телеграм-каналга язылыгыз