Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Донецк Халык Республикасының аксакаллар шурасы рәисе Мәүлетдин Абушахманов вафат
10 апрельдә Донецк Халык Республикасының Макеевка шәһәре мәчете имамы, Донецк Халык Республикасының аксакаллар шурасы рәисе Мәүлетдин Абушахманов кинәт вафат булды. Бу хакта Россия мөселманнары Диния нәзарәтенең матбугат хезмәте хәбәр итә.
Мәүлетдин хәзрәт Донецк Халык Республикасы мөселманнары Диния нәзарәтен оештыруның чишмә башында торган аксакалларның берсе иде. Россия мөселманнарының рухи лидеры, мөфти шәех Равил Гайнетдин әлеге уңайдан кайгы уртаклашу телеграммасы юллады:
«Россия Федерациясе мөселманнары Диния нәзарәте һәм шәхсән үз исемемнән Донецк Халык Республикасының Макеевка шәһәре мәчете имамы, Донецк Халык Республикасының аксакаллар шурасы рәисе Мәүлетдин Абушахмановның вафат булуына бәйле рәвештә мәрхүмнең туганнары һәм якыннарының олы кайгысын уртаклашам.
Аксакал Мәүлетдин хәзрәтне мөселман җәмгыяте киң күңелле, ачык, ислам эшенә тугры кеше буларак белә иде. Ул Макеевка шәһәре мөселман җәмгыятенең рухи традицияләрен яңарту, дин тотучыларны агарту һәм үгет-нәсихәт бирү, динара диалог һәм хезмәттәшлекне ныгытуга лаеклы өлеш кертте.
Чынлыкта, безнең барыбызны да Аллаһы Тәгалә бар кылды һәм һәммәбез дә аның хозурына барачакбыз. Аллаһы Тәгаләдән аның дөньялыкта кылган хаталарын кичерүен, җанын тынычлыкта калдыруын һәм ахирәттә иң яхшы язмыш белән бүләкләвен сорыйм», - диелә телеграммада.
Кызыклы яңалыкларны күзәтеп бару өчен Телеграм-каналга язылыгыз