Равил Гайнетдин Болгар ислам академиясе ректорын «Әл-Фәхр» ордены белән бүләкләде
Мөфти шәех Равил Гайнетдин Болгар ислам академиясе ректоры Фәрхәт Хөснетдиновны «Әл-Фәхр» мактау ордены белән бүләкләде. Бу хакта Росссия Мөфтиләр шурасы матбугат хезмәте хәбәр итә.
РФ мөселманнары Диния нәзарәте рәисе, Баш мөфти шәех Равил Гайнетдин карарында билгеләп үтелгәнчә, Фәрхәт Хөснетдинов Россиядә ислам мәгарифен үстергән һәм Россия җәмгыятенең дини-әхлакый кыйммәтләрен саклауга аерым өлеш керткән өчен, шулай ук 60 яшь тулу уңаеннан бүләкләнә. Югары бүләк ислам диненең уңай образын алга этәрүдә һәм илдә ислам җәмгыятен ныгытуда зур казанышлар танылуын күрсәтә.
Фәрхәт Хөснетдинов эшенә зур бәя бирүләре өчен рәхмәт белдерде, бу бүләк – шәхси казаныш кына түгел, ә Болгар ислам академиясе коллективының бөтен эшен тану, диде ул. Ул мөфти шәех Равил Гайнетдингә югары бәя биргәне өчен рәхмәт белдерде һәм киләчәктә дә Россиядә ислам мәгарифен үстерү һәм ныгыту юнәлешендә эшләргә омтылуын белдерде.
Россия Федерациясе мөселманнарының дини лидеры, мөфти шәех Равил Гайнетдин кушуы буенча аның махсус йөкләмәләр буенча урынбасары Фәрит Фәрисов Болгар ислам академиясе ректоры Фәрхәт Хөснетдиновка югары бүләкне тапшырды. Бүләкләү чарасы Татарстан Республикасы башкаласында Болгар ислам академиясе бинасында узды, диелә хәбәрдә.