Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Раштуа алдыннан Татарстан чиркәүләрендә янгын иминлеге үтәлешен тикшерделәр
Чиркәүдә эвакуация юллары ачык булырга тиеш, ә ишекләр эчтән ачкычсыз ачылырга тиеш.
(Казан, 6 гыйнвар, «Татар-информ», Полина Шевчук). Раштуа бәйрәменә багышланган чаралалар Татарстанның 246 чиркәвендә узачак. Бәйрәм алдыннан инспекторлар гыйбадәтханәләрдә янгын иминлеге үтәлешен тикшерде.
«Татар-информ»га Россия Гадәттән тыш хәлләр министрлыгының Татарстан буенча Баш идарәсе матбугат хезмәтендә хәбәр итүләренчә, янгын куркынычсызлыгы таләпләрен бозуның 64 очрагы ачыкланган. Аларның алтысы хәл ителгән. Моннан тыш, чиркәүдә янгын булган очракта кешеләрне эвакуацияләү буенча тренировка үткәрелгән.
Хокук бозуларның бер өлеше чиркәүләрдә янгын сигнализациясе булмау, шулай ук янгын турында хәбәр итү системаларының төзексезлеге белән бәйле.
Раштуа вакытында чиркәүләрдә Гадәттән тыш хәлләр министрлыгы хезмәткәрләре кизү торачак.
Моннан тыш, Россия Гадәттән тыш хәлләр министрлыгының Татарстан буенча Баш идарәсендә искәртүләренчә, чиркәүләрдә янгын сүндерү җайланмалары һәркем ала алырлык уңайлы урында һәм идән өстеннән 1,5 метр биеклектә кронштейннарда урнаштырылырга тиеш. Янгын сагы хезмәткәрләре телефоннары белән мәгълүмат күренә торган урында беркетелергә тиеш.
Чиркәүдә эвакуация юллары ачык булырга тиеш, ә ишекләр эчтән ачкычсыз ачылырга тиеш. Лампадалар һәм яктырткычлар өчен сыеклыкны металл шкафларда сакларга кирәк.
Кызыклы яңалыкларны күзәтеп бару өчен Телеграм-каналга язылыгыз