Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Рашат Якупов Милли китапханәдә Татар теле үзәге булдыру тәкъдиме белән чыкты
Укытучы фикеренчә, татар теле үсешенә файда китерә торган проектларны ясарга теләүчеләр шактый.
(Казан, 17 март, «Татар-информ», Зилә Мөбәрәкшина). Татар теле укытучысы, «Сәлам» дәреслеге авторы Рашат Якупов Татарстанның Милли китапханәсендә методик үзәк, тел клублары, лекторийлар кергән Татар теле үзәген ачарга тәкъдим итте.
«Яшьләр өчен татар чаралары аз уза. Аралашу урыннарына ихтыяҗ бик зур. Милли китапханәдә заманча мәйданчык барлыкка килде. Татар рухын булдыру максатыннан, Милли китапханә белән берлектә Татар теле үзәге ачарга телибез. Милли китапханәдә көн дә татар яшьләре өчен очрашулар, лекторийлар, уеннар һ.б. узса, яхшы булыр иде. Проектның инициаторы — Тәбрис Яруллин», — диде Рашат Якупов.
Татарстан Дәүләт Советы рәисе урынбасары, Президент каршындагы Татар телен саклау һәм үстерү мәсьәләләре комиссиясе рәисе Марат Әхмәтов Милли китапханәнең яшьләрне үзенә тартып тора торган урын була алуын, анда зур мөмкинлекләр булуын әйтте
«Татар теле үсешенә файда китерә торган проектларны ясарга теләүчеләр шактый. Яшьләр тәкъдим-идеяләрен безгә сөйләп, без белгечләрне җәлеп итеп, медиада җиткерә алабыз. Шул рәвешле, татар продукциясен, яшьләргә кызыклы булган контентны булдыра алыр идек», — диде Рашат Якупов.
Марат Әхмәтов бу проектка ярдәм күрсәтергә әзер булуларын белдерде. «Ике-өч юнәлеше булса да эшләп китсә, яхшы. Аннан соң аны Казанның Мәдәният үзәкләрендә дә эшләп булыр иде», — дип өстәде ул.
Кызыклы яңалыкларны күзәтеп бару өчен Телеграм-каналга язылыгыз