Рәсми Татарстан 15 сентябрь 2022 15:51

Рамил Муллин Түбән Кама районы Башкарма комитеты башлыгы вазифасыннан китте

Скопировать ссылку

Рамил Муллин Түбән Кама районы Башкарма комитеты башлыгы вәкаләтләрен вакытыннан алда туктатты. Ул Шинников округы буенча шәһәр Советы депутаты итеп сайланды. Депутатлар Муллинның отставкасын бертавыштан кабул иттеләр.

Түбән Кама районы Башкарма комитеты башлыгы вазифаларын вакытлыча башкаручы итеп Роман Булатов билгеләнде.

Яңа җитәкчене билгеләү өчен ТР Президенты Указы буенча конкурс комиссиясе төзелде. Аңа алты кеше керде: алар - Түбән Кама муниципаль районы Советы депутаты, комиссия рәисе Александр Умников, Түбән Кама муниципаль районы Советы депутаты, комиссия рәисе урынбасары Марина Камелина, Татарстан Республикасы сәнәгать һәм сәүдә министры Олег Коробченко, Татарстан Республикасы Президентының Территорияләр белән эшләү идарәсе баш киңәшчесе Айрат Латыйпов, Түбән Кама районы Советы депутаты Дмитрий Филиппов, Татарстан Республикасы Дәүләт Советы депутаты (килештерү буенча) Валерий Власов.

Түбән Кама районы Башкарма комитетының яңа җитәкчесен конкурс нәтиҗәләре буенча билгеләячәкләр. Кандидатлардан документлар 16 сентябрьдән 6 октябрьгә кадәр Советлар йорты бинасында (Төзүчеләр проспекты, 12нче йорт, 2нче кабинет) кабул ителәчәк.

Сәхифәләр

Рамил Муллин Түбән Кама районы Башкарма комитеты башлыгы вазифасыннан китте