Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Рамил Курамшин юбилей кичәсе уздыра
Программада халык көйләре, татар композиторлары әсәрләре яңгыраячак.
(Казан, 22 сентябрь, “Татар-информ”, Лилия Локманова). 27 сентябрь көнне сәгать 18.30 да Габдулла Тукай исемендәге Татар дәүләт филармониясе концертлар залында Татарстанның халык артисты, виртуоз музыкант, данлыклы баянчысы Рамил Курамшинның юбилей кичәсе булачак.
Бу хакта “Татар-информ” мәгълүмат агентлыгына филармония матбугат хехмәте хәбәр итә.
Концертта Татарстанның халык артистлары Хәмдүнә Тимергалиева, Рәшит Сабиров, Зөһрә Сәхәбиева, Рөстәм Маликов; Татарстанның атказанган артисты Айдар Габдинов; Халыкара конкурслар лауреатлары Гөлсирин Абдуллина, Ранис Габбазовлар катнашыр дип көтелә.
Программада халык көйләре, татар композиторлары әсәрләре яңгыраячак.
Курамшин Рамил Сөләйман улы 1947 елның 16 июлендә Горький өлкәсенең (хәзерге Түбән Новгород өлкәсе) Кызыл Октябрь районы Кочко-Пожар авылында туган.
Рамил Курамшин – татар баян музыкасын үстерүдә фидакарьләрчә хезмәт итүче баянчыларның берсе. Аның иҗат юлы алтмышынчы елларның икенче яртысында башланып китә. Баянда уйнау сәнгатенең соңгы казанышларын һәрдаим үзләштерә барып, бу яңалыкларны ул кыю рәвештә үз иҗатында да куллана. Аның баян өчен язган күпсанлы пьесаларын музыка мәктәпләрендә һәм училищеларда, Казан консерваториясендә уйныйлар.
Кызыклы яңалыкларны күзәтеп бару өчен Телеграм-каналга язылыгыз