Татар дөньясы 21 август 2019 16:27

Рамил Чурагул Башкортстанда иске мәдрәсәләрнең данын кайтарырга тәкъдим итте

Популяр җырлар авторы фикеренчә, әлеге биналарда төрки халыклар белем алган.

Скопировать ссылку

(Казан, 21 август, "Татар-информ", Зилә Мөбәрәкшина). Татарстанның атказанган сәнгать эшлеклесе, популяр җырлар авторы Рамил Чурагул Башкортстанда урнашкан борынгы төрки мәдрәсәләрнең данын кайтарырга тәкъдим итте. Бу соравы белән ул Бөтендөнья татар конгрессында узган матбугат конференциясендә конгресс рәисе Ринат Закировка мөрәҗәгать итте.

“Башкортстан җирлегендә бөек төрки халыклар укыган истәлекле мәдрәсәләр гөрләп торган. Мәсәлән, Кыешкы мәдрәсәсе. Киләчәктә барыбыз да исән булып, шуларның данын кайтарырга иде дигән теләктә без”, - диде ул.

Рамил Чурагул шулай ук Күкчәтау шәһәрендә булуы турында да сөйләде. “Казахлар түгәрәк өстәл җыйды. Шунда Себер татары Зөлкарнәев фамилияле абзый татарча сөйләште. “Абый, син бит казахча да беләсең”, - дим. “Юк, безнең бабайларыбызны монда укытканнар, мин үз телемдә сөйләшәм”, - диде. Монда шундый горурлык хисләре туды”, - диде ул.

#Рамил Чурагулов #Башкортстан #мәдрәсә

Сәхифәләр

Рамил Чурагул Башкортстанда иске мәдрәсәләрнең данын кайтарырга тәкъдим итте