Мәдәният 19 июль 2023 14:30

Рәми Гариповка багышланган «Шагыйрь көндәлеге» фильмы халыкара фестивальләрдә күрсәтелде

Скопировать ссылку

Барнаулда узган Шукшин кинофестивалендә «Шагыйрь көндәлеге» фильмын конкурс кысаларында күрсәттеләр. Башкортстанның беренче халык фильмын аның режиссеры – Башкортстанның атказанган сәнгать эшлеклесе Булат Йосыпов тәкъдим итте. Бу хакта «Башинформ» агентлыгы яза.

Агентлыкка билгеле булганча, 15 июльдә «Шагыйрь көндәлеге» фильмы «Алтын тәлинкә» төбәкара премиясенең тамашачылар тавыш бирүе нәтиҗәсендә җиңүчесе дип табылган.

«Безнең фильм Бөекбританиядә узучы Lift-Off Global Network фестивалендә катнашу өчен сайлап алынды. Бу безнең команда өчен зур мәртәбә, - дип искәртте режиссер. – Фильмны Италиядә Ischia Global Film Festival фестивалендә дә күрсәттеләр. Рәми Гарипов тарихы дөнья буйлап атлый. Без Кырымда үтә торган Vote to Film фестиваленә чакыру алдык. Кырымда яшәүчеләрне үзебезнең проект белән таныштыру мөмкинлеген түземсезләнеп көтәбез. Безнең фильм «Алтын тәлинкә» төбәкара премиясенең тамашачылар тавыш бирүе нәтиҗәсендә җиңүчесе дип табылды. Безгә теләктәшлек күрсәткән һәм эшебез өчен тавыш биргән һәркемгә рәхмәт!»

Элегрәк фильм «Үз юлым» фестивалендә җиңде, «Тынычлык хакына» премиясенә, Россия-Италия җәмгыяте халык дипломатиясенең рәхмәтенә лаек булды, Мәскәү халыкара, Байкал арты (Чита), Чабаксар кинофестивальләрендә, Псковта узган «Западные ворота» кинофестивалендә катнашты, шулай ук «Российская газета»ның федераль экспертлары тарафыннан билгеләп үтелде. Фильмны Мәскәү, Санкт-Петербург, Казан, Тула, Кострома, Нерехта, Ярославль, Саратов шәһәрләрендә күрсәттеләр. Башкортстанда ул 50 залда тамашачылар игътибарына тәкъдим ителде.

#Башкортстан

Сәхифәләр

Рәми Гариповка багышланган «Шагыйрь көндәлеге» фильмы халыкара фестивальләрдә күрсәтелде