Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Рамазан аенда Яңа Зеландия мәчетләрендә куркынычсызлык чараларын көчәйтәчәкләр
Мәчетләрдә ифтарлар үткәрелмәячәк, ачык ишекләр көне июнь аена күчерелә.
(Казан, 4 май, «Татар-информ»). Яңа Зеландия мәчетләрендә рамазан ае дәвамында куркынычсызлык чаралары көчәйтеләчәк. Шул турыда Яңа Зеландия (FİANZ) Ислам ассоциацияләре федерациясе башлыгы Мостафа Фарук әйткән. Бу хакта Казахстан мөселманнары Диния нәзарәте сайты хәбәр итә.
Мостафа Фарук сүзләренчә, куркынычсызлыкны чараларын көчәйтү сәбәпле, мәчетләрдә ифтарлар үткәрелмәячәк.
Яңа Зеландия мәчетләрендә Ачык ишекләр көннәре июнь аена күчерелә. Анда төрле дин вәкилләренә ислам турында сөйлиләр. Бу ял көннәрендә Яңа Зеландиянең 10 мәчетендә узарга тиешле чаралар үткәрелмәгән.
Шул ук вакытта Яңа Зеландия полициясе чиркәү, синагога һәм мәчетләрдә куркынычсызлык чаралары көчәйтеләчәк, дип хәбәр итә.
Кызыклы яңалыкларны күзәтеп бару өчен Телеграм-каналга язылыгыз