Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары вазифасын башкаручы
Зилә Мөбәрәкшина
«Рәис» тавышлы ярдәмчесе беренче апрель шаяртуы булып чыкты
Бүген Татарстан блогерлары үз аккаунтларында имеш республика лидеры Рөстәм Миңнеханов образы белән илһамланган «Рәис» тавышлы ярдәмчесе белән гаджет турында мәгълүмат урнаштырды. Гаджет шулкадәр зур резонанс уятты, язылучылар блогерларны мондый колонканы кайда сатып алырга мөмкин булуы турындагы сораулар белән күмде. Әмма, ачыкланганча, бу проект Татарстан Рәисенең технологияләр һәм инновацияләр белән мавыгуы хөрмәтенә булдырылган беренче апрель шаяруы гына булып чыкты.
«Рәис» шаян манерада киңәшләр бирде, кулланучыларны мотивлаштырды һәм хәтта Татарстан лидерының «Тяп-ляп эшләмәгез!», «Димәк, файдасы бар!» һәм башка танылган фразаларын кабатлады. Мисал өчен кием сайлау турындагы сорауга ул: «Бизәнергә түгел, эшләргә кирәк», - дип җавап биргән, ә тормыш иптәшен эзләү өчен «Министрлар Кабинеты янында йөрергә» яки «Әлмәткә барырга» киңәш иткән.
Бу проектның ирониясе Татарстанның ясалма интеллект өлкәсендәге амбициоз планнары фонында аеруча сизелә. Цифрлы үсешкә ярдәм итү ассоциациясенең күптән түгел узган утырышында Рөстәм Миңнеханов белдергәнчә, республика ясалма интеллект өлкәсендә Россия төбәкләре арасында лидер булырга тиеш.
«Безнең күбебез ясалма интеллект системаларын танып белү юлының башында тора. Безгә бер-беребезне тулыландыру һәм ресурсларны юкка сарыф итмәү өчен тырышлыкларыбызны берләштерергә кирәк. Бу теманы без контрольдә тотачакбыз», - диде Рөстәм Миңнеханов, республикада цифрлы технологияләрне үстерү планнарын шәрехләп.
Тавышлы ярдәмче Иннополисның нейрочелтәр алгоритмнары белән югары технологияле продукты кебек күренсә дә, аны эшләүчеләр моның шаярту гына булуын таныды. Шуңа да карамастан, ТР Дәүләт идарәсен цифрлы нигездә үстерү, мәгълүмат технологияләре һәм элемтә министрлыгы чыннан да дәүләт хезмәтләре өчен тавыш ассистенты эшли, һәм, бәлки, кайчан да булса шаян «Рәис» җитдирәк формада эшләвен дәвам итәр.
Кызыклы яңалыкларны күзәтеп бару өчен Телеграм-каналга язылыгыз