Раил Садриев: Буа театры бинасы ишелә башлады
«Яңа бинаны кайчан төзерләр — белмибез, өметләнәбез генә», — ди театр җитәкчесе.
Скопировать ссылку
(Казан, 3 сентябрь, «Татар-информ», Зилә Мөбәрәкшина). Буа дәүләт драма театры сәнгать җитәкчесе-директоры, Татарстанның халык артисты Раил Садриев театрның бинасы ишелә башлавы турында әйтте.
«Хәзер театрга ремонт ясыйбыз, бер тик тормыйча эшлим. 2007 елда тиз-тиз төзелгән бина ишелә башлады. Ә яңасын кайчан төзерләр — белмибез, өметләнәбез генә. Ә бит бүген яшәргә кирәк. Барысын да үз көчебез белән ясыйбыз. Яңа бинага проект эшлиләр», — диде ул «Татар-информ» хәбәрчесенә биргән әңгәмәсендә.
Җитәкче сүзләренчә, федераль проект буенча яңа бина 2025 елда ачылырга мөмкин.