Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Рафис Борһанов Чаллыда өч мәктәп директоры эшеннән китүенең сәбәпләрен аңлатты
Министр сүзләренчә, директорлар белән килешүләрне өзү имтиханның түбән нәтиҗәләренә бәйле түгел.
(Казан, 16 июль, “Татар-информ”, Гөлнар Гарифуллина). Яр Чаллыда өч мәктәп директоры вазифасыннан китүе Бердәм дәүләт һәм Төп дәүләт имтиханнары нәтиҗәләренә бәйле түгел. Бу хакта бүген ТР Министрлар Кабинетында журналистларга Татарстан вице-премьеры – мәгариф һәм фән министры Рафис Борһанов әйтте.
- Матбугат чараларында Яр Чаллыда БДИ нәтиҗәләре түбән булган берничә мәктәп директоры белән контракт озайтылмаячак дигән мәгълүмат чыккан иде. Чынлыкта исә, БДИ һәм ТДИ нәтиҗәләре килешүне өзүгә сәбәп түгел. Эшлекле дүшәмбедә Чаллы мэры Мәһдиевнең сүзләрен дөрес җиткермәгәннәр.
“Кичә Чаллыда җитәкчелек белән сөйләшү булды. Чаллы мэры Наил Мәһдиев сүзләрендә башка мәгънә яткан. Өч директор буенча контрактлар өзелгән. 1нче мәктәп директоры авыру әнисен карыйсы булганга гариза язган. 23нче мәктәп директоры Казанга күченә. 38нче мәктәп директоры сәламәтлек торышы буенча гариза язган, бер ел инде больничныйда булган”, - диде Рафис Борһанов.
Министр Бердәм дәүләт имтиханының эчке эш өчен корал булуын искәртте. “Районнарны районнар, мәктәпләрне мәктәпләр белән чагыштырырга җыенмыйбыз. Без чагыштырып, кирәкмәгән узыш, имтиханнарда киеренкелек кенә тудырачакбыз. Без чагыштыруга каршы, ләкин һәр мәктәп үз күрсәткечләре буенча эшләргә, нидә артта калганын белергә, аңларга тиеш”, - диде Борһанов.
Кызыклы яңалыкларны күзәтеп бару өчен Телеграм-каналга язылыгыз