news_header_top_970_100
news_header_bot_970_100

“Радиоприбор”ның хезмәт хакы бирүдә бурычы зур

Шуңа карата материаллар прокуратурага җибәрелгән

 (Казан, 16 сентябрь, “Татар-информ”). Әлмәт мәшгульлек үзәге вәкилләре, шәһәр прокуратурасы йөкләмәсе буенча, “Радиоприбор” заводында хезмәт закончалыгының ничек үтәлүе торышына тикшерү уздырганнар.

Тикшерү барышында хезмәт хакларының предприятиенең күмәк килешүендә билгеләнгән сроклардан тайпылып бирелүе ачыкланган, дип хәбәр итә ТР Хезмәт, мәшгульлек һәм социаль яклау министрлыгы матбугат хезмәте. Чираттагы ялларга китүчеләргә, эштән азат ителүчеләргә дә түләү вакытында башкарылмый. Түләү сроклары сакланмаган өчен акчалата компенсация, эштән киткәндәге һәм башка түләүләр дә бирелми икән. Эш хакларын бирүдәге бурыч 27 августка 16 миллион сум тирәсе тәшкил иткән. Тикшерү нәтиҗәләре буенча материаллар прокуратурага җибәрелгән, дип хәбәр итә “Әлмәт таңнары” басмасы.

news_right_column_1_240_400
news_right_column_2_240_400
news_bot_970_100