Радик Абдрахманов: Fashion Iftarның үткәрелү урыны үзгәрде, быел ул «Казан Экспо»да була
31 мартта Fashion Iftar «Казан Экспо» халыкара күргәзмәләр үзәгендә булачак. Чараның урынын үзгәртү турында «Туган авылым» милли-туристик комплексы җитәкчесе Радик Абдрахманов журналистларга XII Республикакүләм Ифтар тәмам булгач әйтте.
«Шушы арада гына Fashion Iftar чарасын «Казан Экспо»да үткәрү турында карар кабул иттек. Мәйданчыкны «Казан Экспо»га күчерәбез. Бу куркынычсызлык чарасын тәэмин итү максаты белән эшләнде. Хәзерге вакытта без биредә мәйданчыкны әзерләү белән мәшгуль булачакбыз», - диде Радик Абдрахманов.
«Казан Экспо»га аэроэкспресс (50 сум) белән барырга мөмкин булачак. Шулай ук Fashion Iftar командасы автобуслар оештыра, аның расписаниесе көн дәвамында хәбәр ителәчәк. Машиналар өчен Экспо парковкасын кулланырга мөмкин булачак.
- Искәртеп үтик, Fashion Iftar быел сигезенче тапкыр Ak Bars Retro Cars күргәзмә комплексында узарга тиеш иде.