Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Рөстәм Миңнехановны Төрекмәнстан Президенты Гурбангулы Бердымөхәммәдов тәбрикләде
Гурбангулы Бердымөхәммәдов Рөстәм Миңнехановны юбилее - 60 яшьлек гомер бәйрәме белән котлады һәм аңа сәламәтлек, имин, матур тормыш теләде.
(Казан, 1 март, «Татар-информ»). Бүген иртән Татарстан Республикасы Президенты Рөстәм Миңнеханов Төрекмәнстан Президенты Гурбангулы Бердымөхәммәдов белән телефоннан сөйләште. Бу хакта Татарстан Президенты матбугат хезмәте хәбәр итә.
Гурбангулы Бердымөхәммәдов Рөстәм Миңнехановны юбилее - 60 яшьлек гомер бәйрәме белән котлады һәм аңа сәламәтлек, имин, матур тормыш, һәм алдагы эшчәнлегендә уңышлар теләвен җиткерде.
Шулай ук Төрекмәнстан Президенты Россия Федерациясе белән Төрекмәнстанның уңышлы хезмәттәшлеге кысаларында Татарстан-Төрекмәнстан багланышларының киләчәктә дә дәвам итүенә һәм тагын да ныгуына ышанычын белдерде.
Телефоннан әңгәмә барышында Рөстәм Миңнеханов һәм Гурбангулы Бердымөхәммәдов Татарстан белән Төрекмәнстан тугандаш халыклары арасында хезмәттәшлекне, дуслыкны көчәйтү мәсьәләләре турында фикер алышты.
Кызыклы яңалыкларны күзәтеп бару өчен Телеграм-каналга язылыгыз