Рөстәм Миңнехановка Татарстан таможнясы җитәкчесен тәкъдим иттеләр
Очрашуда катнашучылар республика ведомствосы эшчәнлегенең актуаль мәсьәләләре турында фикер алыштылар.
Скопировать ссылку
(Казан, 11 июнь, «Татар-информ»). Татарстан Президенты Рөстәм Миңнехановка Татарстан таможнясы башлыгын тәкъдим иттеләр. Бу хакта республика җитәкчесенең матбугат хезмәте хәбәр итә.
Бүгеннән башлап, республика ведомствосының башлыгы итеп Марат Гәрәев билгеләнде, дип хәбәр итте Рөстәм Миңнехановка Россия Таможнясы федераль хезмәте җитәкчесе урынбасары Денис Терещенко.
Татарстанның Хөкүмәт Йортында узган очрашуда Идел буе Таможня идарәсе җитәкчесе Агепсим Ашкалов катнашты.
Очрашуда республика таможнясы эшчәнлегенең актуаль мәсьәләләре турында фикер алыштылар.