Рөстәм Миңнехановка Россия финанслар министры Рәхмәте тапшырылды
Бүләкне тапшыру ТР Финанс министрлыгы, ТР буенча Федераль салым хезмәте идарәсе һәм ТР буенча Федераль казначылык идарәсенең уртак коллегиясендә узды
(Казан, 16 декабрь, "Татар-информ"). Бүген Татарстан Республикасы Президенты Рөстәм Миңнехановка Россия финанслар министры Рәхмәте тапшырылды. Бу хакта ТР Президенты матбугат хезмәте хәбәр итә.
Бүләкне тапшыру ТР Финанс министрлыгы, ТР буенча Федераль салым хезмәте идарәсе һәм ТР буенча Федераль казначылык идарәсенең уртак коллегиясендә узды.
Бүләк Россия Федерациясе Финанслар министрлыгының эшчәнлеге тармагында дәүләт сәясәтен билгеләү һәм норматив-хокукый көйләүне эшләү функцияләре һәм вәкаләтләрен гамәлгә ашыруда актив катнашуы өчен тапшарылды.
Шулай ук Россия Федерациясе финанслар министры Рәхмәте ТР финанслар министры Радик Гайзатуллин һәм ТР буенча Федераль казначылык идарәсе җитәкчесе Рөстәм Нуриәхмәтовка тапшырылды.
