Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Рөстәм Миңнеханов Жорес Алферов белән очрашты
ТР Хөкүмәте йортында узган очрашуда ТР ның фәнни потенциалын алга таба үстерү, Сколково инновация үзәге белән хезмәттәшлек мәсьәләләре каралды
(Казан, 14 декабрь, “Татар-информ”). ТР Президенты Рөстәм Миңнеханов бүген физика галиме, Нобель премиясе лауреаты, Сколково инновация үзәгенең фәнни җитәкчесе Жорес Алферов белән очрашты. ТР Хөкүмәте йортында узган очрашуда шулай ук ТР мәгариф һәм фән министры Альберт Гыйльметдинов, ТР Президентының Эчке сәясәт мәсьәләләре буенча идарәсе җитәкчесе Александр Терентьев һ.б. катнашты.
Яклар Татарстанның фәнни потенциалын алга таба үстерү, Сколково инновация үзәге белән хезмәттәшлек мәсьәләләрен карады, дип хәбәр итә ТР Президентының матбугат хезмәте.
Жорес Алферов Казан фәнни мәктәбенең һәрвакыт югары потенциалга ия булуын билгеләп, аерым вузларны барлап узды. Рөстәм Миңнеханов, үз чиратында, кунакны Татарстанда гамәлгә ашырылучы инновация проектлары белән таныштырды, “ТР Электрон Хөкүмәте” проекты, дәүләт хакимияте органнарында электрон документ әйләнешен куллану һ.б. хакында сөйләде.
Кызыклы яңалыкларны күзәтеп бару өчен Телеграм-каналга язылыгыз