Рәсми Татарстан 27 август 2016 09:58

Рөстәм Миңнеханов ютазылыларны районның 25 еллыгы белән котларга җыена

Татарстан Президенты Ютазы һәм Баулы районнарына эш сәфәре кыла

Скопировать ссылку

(Казан, 27 август, "Татар-информ", Арсений Маврин, Гөлшат Ганиева). Татарстан Президенты Рөстәм Миңнеханов бүген республиканың Ютазы һәм Баулы районнарына сәфәр кыла. Бу хакта ТР Хөкүмәтенең рәсми порталында әйтелгән.

Урыссу шәһәр тибындагы бистәсендә Рөстәм Миңнеханов яңа йорт ачылышында катнашачак. 36 гаилә яңа фатирларга аварияле торактан күчерү программасы буенча күченә. Республика лидеры башкарылган эшләрне сыйфатын бәяләп, өй туйларын үткәрүчеләрне котларга ниятли.

Аннары Рөстәм Миңнеханов Урыссу урамында юл өслеген реконструкцияләү нәтиҗәләре белән таныша, соңрак Мәдәният йортында район оешуга 25 ел тулу уңаеннан бәйрәм чарасында катнаша.

Ютазыдан соң Татарстан Президенты Баулыга юл ала. Анда ул 1нче скважина монументын ачуда катнашып, Ф.Яруллин һәйкәленә чәчәкләр салыр дип ниятләнгән.

Республика лидерының әлеге районга сәфәр программасында реконструкцияләнгән ачык бассейнны карау, "Баулынефть" нефть-газ табу идарәсенең 70 еллыгына багышланган тантаналы чараларда катнашу, "Парклар һәм скверлар" республика программасы буенча төзелгән яңа өйләнешүчеләр скверында булу да каралган.

#Рөстәм Миңнеханов #Ютазы #Баулы

Сәхифәләр

Рөстәм Миңнеханов ютазылыларны районның 25 еллыгы белән котларга җыена