Рөстәм Миңнеханов “Югары икътисад мәктәбе” ректоры Ярослав Кузьминов белән очрашты
Бүген “Югары икътисад мәктәбе” ректоры Стратегия-2030 мәсьәләләрен тормышка ашыру буенча стратегик сессиядә катнаша.
(Казан, 21 ноябрь, “Татар-информ”). Татарстан Президенты Рөстәм Миңнеханов Милли тикшеренү университетының “Югары икътисад мәктәбе” ректоры Ярослав Кузьминов белән очрашты. Бу хакта Татарстан Президентының матбугат хезмәте хәбәр итә.
Бүген “Югары икътисад мәктәбе” ректоры Стратегия-2030 мәсьәләләрен тормышка ашыру буенча стратегик сессиядә катнаша. Аның кысаларында Татарстанның төп юнәлешләре буенча социаль-икътисади план үтәлеше барышы буенча фикер алышу планлаштырыла.
Очрашу Татарстан Хөкүмәте Йортында узды. Анда Татарстан Премьер-министры вазифасын башкаручы Рөстәм Нигъмәтуллин, Татарстан Премьер-министры урынбасары - Татарстан мәгариф һәм фән министры Рафис Борһанов, Татарстан Президенты ярдәмчесе Альберт Нәфыйгин һәм башка рәсми кешеләр катнашты.
