Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Рөстәм Миңнеханов "Татнефть"не "ТАНЕКО"да авиакеросин җитештерә башлау белән котлады
Реактив двигательләр ягулыгы сертификат алды
(Казан, 17 ноябрь, «Татар-информ», Әнвәр Маликов). "ТАНЕКО" ААҖ (Түбән Кама) яңа продукция - реактив двигательләр өчен ягулык җитештерә башлады. Аны сәнәгый производстволарга җибәрү турындагы акт Мәскәүдә Бөтенроссия нефть эшкәртү фәнни-тикшеренү институты базасында узган кабул итү комиссиясе утырышы нәтиҗәләре буенча имзаланган.
Авиатранспорт предприятиеләре һәм аэропорт җитәкчеләре адресына "ТАНЕКО"да җитештерелгән керосинны һава судноларында куллануга рөхсәт итүче хатлар юлланган. Авиация керосины 2014 елның мартында файдалануга тапшырылган катнаш гидрокрекинг җайланмасында җитештерелә. Хәзерге вакытта "ТАНЕКО" бер елга 500 мең тоннага кадәр авиакеросин чыгара ала.
Бу вакыйга белән "Татнефть" компаниясе коллективын Татарстан Президенты Рөстәм Миңнеханов та котлады. Котлау текстында көндәшлеккә сәләтле нефть продуктларының яңа төрләрен җитештерү Татарстан нефть эшкәртү сәнәгате үсешендә мөһим этап, "Татнефть" ААҖнең диверсификация һәм безнесның табышын арттыру стратегиясен уңышлы тормышка ашыруны күрсәтә, диелгән.
Кызыклы яңалыкларны күзәтеп бару өчен Телеграм-каналга язылыгыз