Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Рөстәм Миңнеханов "Татнефть" компаниесе директорлар Советының чираттагы утырышын үткәрде
"Татнефть" Директорлар советының чираттагы утырышы бүген Әлмәттә үтте.
(Казан, 26 гыйнвар, «Татар-информ»). «Татнефть» ГАҖ Директорлар советының чираттагы утырышы бүген Әлмәттә үтте. Утырышны компаниянең директорлар Советы рәисе, Татарстан Республикасы Президенты Рөстәм Миңнеханов үткәрде.
Утырыш барышында 2016 ел буенча «Татнефть» акционерлар җәмгыятенең бюджет үтәлеше нәтиҗәләре чыгарылды һәм агымдагы елның февраль аена бюджет расланды. Геолог-разведка эшләренең нәтиҗәлелеген арттыруда төп юнәлешләр буенча фикер алышында. Нефть запасларын булдыруда, яңа нефть ятмалары табуда инновацияләрне актив куллану кирәклеге билгеләнде.
Идарәнең эчке аудит эшләре йомгаклары буенча мәгълүмат тыңланды. Аудит нәтиҗәләре нигезендә эш һәм хезмәт күрсәтү буенча көндәш сатып алуларның сыйфатын күтәрү, шулай ук шин комплексы предприятиеләре өчен чимал сатып алу параметрларын яхшырту мөһимлеге билгеләнде.
Идарә шулай ук “кайнар линия” эшен координацияли, анда хисап чорында 790 хәбәр кергән, шуларның 28 проценты максатчан хәбәрләр булып, кимчелекләрне һәм хокук бозуларны күрсәтә. Нәтиҗәдә, алар буенча тиешле чаралар күрелгән.
2016 елда «Делойт» компаниясе тарафыннан эчке аудит функциясенә бәяләмә үткәрелгән. Нәтиҗә уңай булган, ул халыкара һөнәри стандартларга туры килә.
Утырышта шулай ук «Татнефть» эшчәнлегенә кагылышлы башка мәсьәләләр дә каралды.
Кызыклы яңалыкларны күзәтеп бару өчен Телеграм-каналга язылыгыз