Икътисад 30 гыйнвар 2018 16:39

Рөстәм Миңнеханов «Татнефть» директорлар советының чираттагы утырышында катнашты

Компаниянең 2017 елда бюджеты үтәлешенә йомгак ясалды һәм агымдагы елның февраленә бюджеты расланды.

Скопировать ссылку

(Казан, 30 гыйнвар, "Татар-информ"). Бүген Татарстан Республикасы Президенты Рөстәм Миңнеханов рәислегендә «Татнефть» ГАҖ Директорлар советының чираттагы утырышы узды. Утырыш Татарстан Республикасы Хөкүмәте Йортында узды. Компаниянең 2017 елда бюджеты үтәлешенә йомгак ясалды һәм агымдагы елның февраленә бюджеты расланды. Бу турыда Татарстан Президенты матбугат хезмәте хәбәр итә.

Эчке аудитка идарә эше йомгаклары турында мәгълүмат тыңланылды. Аудитлар йомгаклары буенча билгеләп үтелгәнчә, скважиналарның нефть дебитын билгеләү өчен автоматлаштырылган тәртипкә күчәргә кирәк; нефть продуктларын реализацияләү буенча электрон процедуралар уздыру зарур. Эчке аудит идарәсе катнашында 2017 елда чыгымнарны киметергә ярдәм итәрлек Сатып алулар буенча хезмәт күрсәтүләр үзәге булдырылган, диелә әлеге хәбәрдә.

Тагын «Татнефть» ГАҖ Директорлар советы Дивиденд сәясәте турында нигезләмгә үзгәрешләрне раслады. Акционерларның гомуми җыелышы расласын өчен тәкъдим ителә торган дивидендларны билгеләгәндә Директорлар советы инвестицион программаны финанслауны гамәлгә ашырганнан калган һәм Җәмгыятьнең башка ихтыяҗларын канәгатьләндергәннән соң калган ирекле акчалар булудан чыгарга тиеш.

Утырышта шулай ук компания эшчәнлегенең башка мәсьәләләре дә каралды.

Моңа кадәр "Татар-информ" Татарстан Президенты электрон хезмәтләрне тагын да киңәйтү бурычын куйды, дип хәбәр иткән иде.

#Татнефть #Рөстәм Миңнеханов

Сәхифәләр

Рөстәм Миңнеханов «Татнефть» директорлар советының чираттагы утырышында катнашты