Рөстәм Миңнеханов Татарстанда волонтерлык ресурс үзәген төзергә йөкләмә бирде
Волонтерларны әзерләү үзәген булдыру турында карар Татарстан Президенты һәм Россия Федераль яшьләр эшләре агентлыгы башлыгы очрашуында кабул ителде.
(Казан, 10 декабрь, “Татар-информ”). Татарстан Президенты Рөстәм Миңнеханов йөкләмәсе буенча, республикада волонтерлык ресурс үзәге төзеләчәк. Бу хакта “Ел волонтеры-2018” республика премиясен тапшыру тантанасында Татарстан яшьләр эшләре министры Дамир Фәттахов хәбәр итте.
Министр сүзләренчә, волонтерларны әзерләү укыту үзәген булдыру мәсьәләсе Россия Федераль яшьләр эшләре агентлыгы башлыгы Александр Бугаев тарафыннан бүген Татарстан Хөкүмәте Йортында республика башлыгы белән очрашуда күтәрелгән.
Рөстәм Миңнеханов тиешле эшне башкаруны йөкләде инде, диде Фәттахов.