Рөстәм Миңнеханов Татарстанда капиталь ремонт барышын тикшерде
Татарстан Президенты тармак хезмәткәрләрен Төзүчеләр көне белән котлады.
(Казан, 11 август, «Татар-информ»). Татарстан Республикасы Президенты Рөстәм Миңнеханов барлык муниципаль районнар белән видеоконференцэлемтә ярдәмендә киңәшмә үткәрде һәм республикада капиталь ремонт барышын тикшерде. Бу хакта Татарстан Президенты матбугат хезмәте хәбәр итә.
Төзелеш, архитектура, һәм ТКХ министры Ирек Фәйзуллин республикада торак йортлар, мәктәп, балалар бакчасы, ресурс үзәкләре, яшүсмерләр клублары, муниципаль архивлар, медицина учреждениеләре һ.б. капиталь ремонт бара, диде.
Моннан тыш, авыл хуҗалыгы объектларын капиталь ремонтлыйлар. «Уңайлы мохит» һәм «Уңайлы шәһәр мохите булдыру» программаларын гамәлгә ашыру дәвам итә.
Ирек Фәйзуллин ягып җылыту сезонына әзерлек план буенча һәм тотрыклы узуын әйтте.
Рөстәм Миңнеханов тармак хезмәткәрләрен Төзүчеләр көне белән котлады.