Җәмгыять 30 август 2018 17:21

Рөстәм Миңнеханов Татарстан Президенты Кубогына узган ат чабышларында булды

Татарстан лидеры Республика көне уңаеннан муниципаль районнар әзерләгән күргәзмә-ярминкәне карады.

Скопировать ссылку

(Казан, 30 август, “Татар-информ”, Александр Елисеев). Татарстан Президенты Рөстәм Миңнеханов Татарстан Президенты Кубогына чабышлар узган Казан ипподромында булды.

Рөстәм Миңнеханов узыш башланыр алдыннан Татарстан авыл хуҗалыгы һәм азык-төлек министры Марат Әхмәтов озатуында Республика көне уңаеннан муниципаль районнар әзерләгән күргәзмә-ярминкәдә булды.

Татарстан Республикасы көнендә барлыгы 16 чабыш оештырылды. 4нче төркемдә җиңүче булып “Казан” призына сигез яшьлек Наина Мужева лаек булды.

“Миңа тренерым, әти-әнием ярдәм итте. Мин көндәшемне махсус күзәттем. Кыен булды, әмма мин тырыштым”, - диде яшь спортчы кыз.

#ипподром #ат чабышы #президент кубогы #республика көне #шәһәр көне

Сәхифәләр

Рөстәм Миңнеханов Татарстан Президенты Кубогына узган ат чабышларында булды