Рәсми Татарстан 9 сентябрь 2010 06:43

Рөстәм Миңнеханов Татарстан мөселманнарын Ураза бәйрәме белән котлады

“Ислам диненең рухи-мәдәни мөмкинлеге алга таба да диннәр һәм милләтләр арасындагы татулыкның һәм республикабыз казанышларының нигезе булып торачак”, - диелә котлауда

Скопировать ссылку

(Казан, 8 сентябрь, “Татар-информ”). ТР Президенты Рөстәм Миңнеханов Татарстан мөселманнарын Ураза бәйрәме белән котлады.

Хөрмәтле Татарстан мөселманнары!

Сезне Ураза бәйрәме белән ихлас күңелдән котлыйм!
Һәрбер мөселман өчен зур сынау булган ураза вакытын – Рамазан аен төгәлләүче бу мөкатдәс бәйрәм җир йөзенә игелек һәм шәфкать кебек гомумкешелек кыйммәтләрен тарата, яңа рухи тәҗрибә тупларга, эчке дөньябызны камилләштерергә мөмкинлек бирә. Бу изге көннәрдә һәр мөэмин-мөселман ятимнәргә, игътибарга мохтаҗ, ялгыз һәм авыру кешеләргә ярдәм итәргә тырыша. Чөнки тормышыбызның әхлакый чисталыгына бары тик игелекле гамәлләр аша гына ирешеп була.
Татарстан милли үзенчәлекләрне саклый, җәмгыятьнең әхлакый нигезләрен һәм дин тотучыларның бердәмлеген ныгыта торган күркәм дини традицияләргә ия. Иманым камил, ислам диненең рухи-мәдәни мөмкинлеге алга таба да диннәр һәм милләтләр арасындагы татулыкның һәм республикабыз казанышларының нигезе булып торачак.
Ураза бәйрәме иманыбызны ныгытсын, гаиләләребезгә шатлык китерсен, киләчәккә ышаныч һәм өмет иңдерсен!
Барыгызга да чын йөрәктән игелек, иминлек һәм бәрәкәтле тормыш телим!

Татарстан Республикасы Президенты Рөстәм Миңнеханов.

Сәхифәләр

Рөстәм Миңнеханов Татарстан мөселманнарын Ураза бәйрәме белән котлады