Сәясәт 26 декабрь 2016 10:46

Рөстәм Миңнеханов Татарстан Дәүләт Советының 24 нче утырышында катнаша

Депутатларның көн тәртибенә 40 лап мәсьәлә чыгарылган.

Скопировать ссылку

(Казан, 26 декабрь, “Татар-информ”, Лилия Локманова). Бу минутларда Казанда бишенче чакырылыш Татарстан Дәүләт Советы депутатларының 24 нче утырышы башланды. Чарада Татарстан Президенты Рөстәм Миңнеханов, Татарстан Дәүләт Киңәшчесе Минтимер Шәймиев, республиканың министрлыклар һәм ведомстволар вәкилләре катнаша.

Көн тәртибенә 40лап мәсьәлә чыгарылган. Алар арасында җәмәгать судьясын сайлау, “Татарстан Республикасында музейлар һәм музей эше турында”гы законга үзгәрешләр кертү хакында” 290-5 нче номерлы закон проекты (I укылыш) һ.б. закон проектлары бар. Моннан тыш, депутатлар 2017 елга Татарстан Дәүләт Советында закон проекты эшенең якынча план проекты хакында фикер алышачак, 2016 елда Татарстан Республикасында мәгарифне үстерү программаларын гамәлгә ашыру барышы хакында доклад һәм “Татарстанның һәм “Россия тимер юллары” җаваплылыгы чикләнгән җәмгыятьнең уртак проектлары һәм республикада тимер юл транспортын алга таба үстерү перспективалары турында” хөкүмәт сәгатен тыңлау планлаштырыла.

Өстәмә кертелгән мәсьәләләр арасында “2016 елга Татарстан Республикасы бюджеты турында” республика законына үзгәрешләр кертү турындагы закон проекты бар. Анда быел бюджетның кертемнәре, чыгымнары һәм дефицитның күпмегә арту-кимүе хакында язылган.

#Татарстан Дәүләт Советы #Татарстан Дәүләт Советы 24 нче утырыш #Фәрит Мөхәммәтшин #Рөстәм Миңнеханов

Сәхифәләр

Рөстәм Миңнеханов Татарстан Дәүләт Советының 24 нче утырышында катнаша