Рөстәм Миңнеханов: Татар авылы бетсә, без дә әкренләп таралып бетәчәкбез
Авылларның юкка чыгуы татар милләтенең нигезен бетерәчәк, ди Татарстан Президенты.
(Яр Чаллы, 30 ноябрь, “Татар-информ”, Айдар Әхмәдиев). Татарстан Президенты Рөстәм Миңнеханов татар халкының нигезен авылларның яшәвендә күрә. "Татар авылы бетсә, без дә әкренләп таралып бетәчәкбез", - ди ул. Бу фикерен Рөстәм Миңнеханов Чаллының IT-паркында узган “Татарстанның эшлекле хезмәттәшләре” VIII Форумның пленар утырышы вакытында әйтте.
“Без монда үзебезнең татарлыгыбызны саклап калырга җыелдык”, - дип мөрәҗәгать итте ул Форумга килгән Россия һәм чит ил татар эшмәкәрләренә. “Без аны шәһәрдә саклап кала алмадык, ул – авылларда. Татар авылы бетсә, без дә әкренләп таралып бетәчәкбез”, - диде Рөстәм Миңнеханов.
Шул сәбәпле Рөстәм Миннеханов авылларның яшәү сыйфатын шәһәрнекеннән дә ким булмавын әйтте. Аларда яшәү сыйфатың конкурентлы дәрәҗәгә күтәрү кешеләрне авылларда калып эшләргә җәлеп итәчәк, диде Татарста Президенты.