Рөстәм Миңнеханов Сингапурның электрон Хөкүмәте эше белән танышты
Сингапурда Россия Федерациясе делегациясен РФ Хөкүмәте Рәисе урынбасары Максим Акимов җитәкли.
(Казан, 20 сентябрь, «Татар-информ»). Бүген Татарстан Президенты Рөстәм Миңнеханов Сингапур Республикасына эш сәфәре кысаларында Сингапурның технологик үсеш буенча Дәүләт агентлыгында (GovTech) булды. Бу хакта республика башлыгының матбугат хезмәте хәбәр итә.
Россия Федерациясе делегациясен РФ Хөкүмәте Рәисе урынбасары Максим Акимов җитәкли.
GovTech агентлыгы Сингапур халкына электрон рәвештә дәүләт хезмәтләре күрсәтә.
Моннан тыш, әлеге структура дәүләтне югары технологияләр ярдәмендә үстерүне күздә тоткан Smart Nation Хөкүмәт программасын гамәлгә ашыруны тәэмин итә.
Узган елның 1 ноябреннән башлап GovTech агентлыгы Премьер-министрның «Smart Nation and Digital Government Office, SNDGO» («Акыллы милләт һәм Цифрлы Хөкүмәт») программасын гамәлгә ашыра торган төп органы санала.