Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Рөстәм Миңнеханов Швейцариянең «Буркхардт Компрешн» компаниясе җитәкчелеге белән очрашты
Очрашу барышында Татарстан Президенты һәм «Буркхардт Компрешн» вәкилләре киләчәктә хезмәттәшлекне үстерү юлларын билгеләделәр.
(Казан, 23 март, «Татар-информ»). Бүген Татарстан Президенты Рөстәм Миңнеханов Женевага эш сәфәре кысаларында компрессор җиһазлары җитештерүче «Буркхардт Компрешн» компаниясе җитәкчелеге белән очрашты. Бу хакта республика лидерының матбугат хезмәте хәбәр итә.
«Буркхардт Компрешн» компаниясенә 1844 елда нигез салынган. Ул нефть, газ чыгару һәм транспортлау, «кара алтын» эшкәртү, нефть химиясе һәм химия сәнәгате, башка күп кенә тармакларда кулланыла торган компрессор системалары, алдынгы компрессор технологияләре базарында әйдәп баручылардан санала.
«Буркхардт Компрешн» компаниясенең продукциясе Татарстанда да яхшы билгеле. Швейцариядә җитештерелә торган пешкәкле компрессорлар «Түбән Кама Нефтехим» һәм «Казаноргсинтез» заводларында урнаштырылган. Моннан тыш, «Түбән Кама Нефтехим» берләшмәсе үз белгечләренең квалификациясен күтәрү, аларны укыту буенча да хезмәттәшлек итә.
Очрашу барышында Рөстәм Миңнеханов һәм «Буркхардт Компрешн» вәкилләре киләчәктә хезмәттәшлекне үстерү юлларын билгеләделәр, компрессорларны республиканың яңа производстволарында куллану перспективалары турында фикер алыштылар.
Кызыклы яңалыкларны күзәтеп бару өчен Телеграм-каналга язылыгыз