Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Рөстәм Миңнеханов "Рубин" футбол командасы баш тренерына бәйле сорауларга җавабын бирде
Татарстан Президенты клубның яңа җитәкчелегенә баш тренер буларак Корбан Бердыевны Казанга кайтаруны бер вариант буларак карарга тәкъдим итә.
(Казан, 31 май, "Татар-информ"). "Рубин" футбол клубындагы бүгенге үзгәрешләр уңаеннан Татарстан Президенты Рөстәм Миңнеханов массакүләм мәгълүмат чараларының команданың баш тренерына бәйле сорауларына җавабын бирде. Бу хакта Президентның матбугат хезмәте җиткерде.
"Баш тренер вазифасында испан тренеры Хавьер Грасияны калдыру, яисә аны башка остазга алмаштыру тулысынча "Рубин" футбол клубының яңа расланган президенты – "ТАИФ" компаниясе директорлар советы әгъзасы Радик Шәймиев карамагында. Клубның җитәкчелеге хәзер бер кулга тупланды, нәкъ менә "Рубин"ның яңа президенты клубның үсеше һәм спорт күрсәткечләре өчен җавап бирәчәк. Шулай да, күпчелек тамашачыларның фикерен исәпкә алып, мин бер вариант буларак Корбан Бердыевны командага кайтару мәсьәләсен дә карарга тәкъдим итәм. Клубның зур җиңүләре аның исеме белән бәйле", – диде Рөстәм Миңнеханов.
Кызыклы яңалыкларны күзәтеп бару өчен Телеграм-каналга язылыгыз