Җәмгыять 30 сентябрь 2018 11:14

Рөстәм Миңнеханов Россия җыелмасын EuroSkills-2018дә җиңүләре белән котлады

Россия EuroSkills Budapest-2018 һөнәри осталык чемпионатында медаль биремендә тәүге тапкыр беренче урынны алды.

Скопировать ссылку

(Казан, 30 сентябрь, "Татар-информ"). Татарстан Президенты Рөстәм Миңнеханов Россиянең милли җыелмасын EuroSkills Budapest 2018 һөнәри осталык чемпионатында яулаган җиңүе белән котлады.

Республика Президенты үзенең Instagram аккаунтында Россия җыелмасының фотосын урнаштырган. Котлауларга социаль челтәр кулланучлары да кушылган: “Котлыйбыз!”, “Горурланабыз!”, “Без булдырабыз!” дип язганнар.

Россия EuroSkills һөнәри осталык чемпионатында медаль биремендә тәүге тапкыр беренче урынны алды. Шулай ук Россия командасы 29 катнашучы ил арасында иң күп алтын медаль яулады.

Татарстан катнашучылары җыелмага берничә алтын медаль китерде: Альберт Минеев “CAD Инженер дизайны” компетенциясендә беренче урын алды. Ә Павел Фадеев һәм Андрей Дюбанов “Мобиль робот техникасында” иң яхшылары дип табылды.

#Рөстәм Миңнеханов #Euroskills

Сәхифәләр

Рөстәм Миңнеханов Россия җыелмасын EuroSkills-2018дә җиңүләре белән котлады