Рөстәм Миңнеханов Россия төбәкләре җитәкчеләренең халык рейтингы унлыгына кергән
Татарстан Президенты 3,44 индексы белән җиденче урынны били.
(Казан, 29 март, «Татар-информ»). Татарстан Президенты Рөстәм Миңнеханов Россия төбәкләре җитәкчеләренең халык рейтингы унлыгына кергән. Интернет-тавыш бирү нәтиҗәләрен «Губернаторы.ru» проекты экспертлары тәкъдим иткән.
Татарстан Президенты 3,44 индексы белән җиденче урынны били. Рейтингта беренче урынны Удмуртия Республикасы башлыгы 4,03 индексы белән Александр Бречалов алган, икенче урында – Дагыстан Республикасы башлыгы Владимир Васильев (3,95).
Кулланучылар субъект башлыклары эшен төбәк халкының яшәү сыйфаты, эшлекле климат, юллар сыйфаты һәм инфраструктура, мәгълүмати ачыклык һ.б. күрсәткечләр буенча бәяли. Барлыгы 30 мең чамасы кеше үз бәясен биргән.